mousse au chocolat noir

 07/12/2013 

مرحبا كيف حالكم ?

اليوم نقدملكم وصفة موس الشوكولاتة mousse au chocolat ان شاء الله تعجبكم انا تعجبني هادي وصفة من وصافتي المفضلة 

فيها 2 نوع من المقادير بيض و شيكولا مافيها زيبدة و لا حليب و لا تشقلالة blablaba نخليكم مع المقادير 

المقادير

*200غ شيكولا من النوع الجيد 

*6حبات بيض 

*قرصة ملح

طريقة التحضير

1/نقسم الشكولا و ندوبها في بان ماغي 

2/نفرق بين الصفار و البياض البيض 

3/نضرب البايض مع قرصة الملح حتى يصبح متامسك

4/نفرغ الشيكولا فوق الصفار و نخلط مليح بالفوي 

5/نضيف كمية صغيرة من بياض البيض و نخلط بالفوي ملييييييح 

6/من بعد نزيد كميه صغيرة بياض البيض و نخلك بالسباتولا ندخل البياض برفق كيما جينواز 

و نزيد نعاود بشوية حتى يخلاص البياض و يدخل مليييح 

نفرغ لاموس في كيسان من الافضل يكونو صغار و لون شفاف
انا درتهم في فناجل كبار شوية

من بعد غطيوها و ديروها في الثلاجة لمدة 2  او 3 ساعات 
من بعد شبحيها كيما تحبي انا درت بالشيكولا البيضا

ان شاء الله جربوها و تعجبكم شكرا على المتابعة 
كي العادة بمقادير بسيطة ديري حاجة فاخرة 

bye bye 
♥
♥Bon Appétit♥