recette mouskoutchou simple / وصفة موسكوتشو العادي

السلام

اليوم نقدملكم وصفة موسكوتشو العادي

هناك عدة انواع تع الموسكوتشو كاين بالشيكولا .بالليمون.بالنواة كوكو..........الخ

المقادير

*4حبات بيض

*1كاس فرينة

*نص كاس سكر عادي

*1باكي levure chimique

*نص كاس زيت

*1ملعقة صغيرة قشور الليمون zest de citron

*1ملعقة كبيرة لافاني 

ملاحضة : الكاس لي تكيلي بيه تع اينوكس ماكاش دار ماعندهاش هاداك الكاس ههههههه صح?

طريقة التحضير 

1/نفرق البياض عن الصفار 
نضرب الباض مع قرصة ملح حتى يتضاعف حجمه 

2/نصرب الصفار مع السكر حتى يبيض لونه

3/نضيف الزيت 

4/نضيف ملعقة الفانيلا و الفرينة و الخميرة الكيمائية و مبشور الليمون

5/نضيف ملعقة كبيرة من البياض و نخلط بالضراب الكهرابائي ثم نضيف كل البياض بملعقة خشيبة او سباتولا و نخلط برفق 

6/ندهن المول بالزبدة ثم نرشه بالفرينة و نضع العجينة 

7/تدخل للفرن يكون سخون مسبقا في درجة حرارة متوسطة لمدة 20/30دقيقة (حتى يحمر لونها)

يرش بسكر ناعم ويقدم بمعجون المشماش  مع الالقهوة او الشاي انا نحبها مع الشاي ♥